December Poetry:
December is a last month of
year and known to be cold and lonely month. December poetry has really special
mark on lover’s heart. It holds a special place in the hearts of literature
lovers. Cold and lonely evening (udaas Shaam) and nights of December really
appeal shayri lover’s. December poetry and December Shayri is all about Weather
(Mousam) and remembrance of someone special. December Shayari? Or winter poetry
in urdu is all about lonely nights. This year in December we bring you a very special
and romantic collection of December Nazam Poetry and December two line poetry.
(Note: This blog is written in Roman Urdu & you can add your
December Shayari here to publish on this page.)
December Poetry (December Shayri)
1: Halki halki si sard hawaa.
Halki halki si Sard hawaa,
Zara Sa Dard-e-Dil,
Andaaz Acha hai “December”
teray aanay ka.
December Poetry (December Shayri)
2: December
Main.
Kaha tha ye December main,
Hamain tum Milnay aao gay,
“December” kitnay Guzray
hain,
Tumhari Raahon ko taktay,
Najanay kis December main,
Tumhain milne ko aana hai,
“December” pher say aya hai,
Jo tum ab bhe na aaye to,
Pher tum dekhna khud he,
Tumhari yaad main ab kay,
Akaily hum na royen gay,
Hamara Saath dene ko,
Sawan ke bharay baadal,
Galay mil mil kay royen gay,
Pher itna paani barsay ga,
Samandar seh na paaye ga,
December Poetry (December Shayri)
3: Tu he pehlu main nahe warna.
Tu he pehlu main nahe warna “December”
main wahein,
Dhoop main baith kay akhbaar
perha karty hain
December Poetry (December Shayri)
4: Uth jao
Uth jao furston main soye
huay logooon…….!!!
Dekho “December” ki pehli
subha kitni haseen hai
December Poetry (December Shayri)
5: December ki pehli shaam
December ki yeh pehli shaam
hi kitni zaalim hai,
Aghaaz-e-shaam hi say yaadon
kay baadal chaa gaye …..
December Poetry (December Shayri)
6: Pher iss sard mousam main
Pher iss sard mousam main,
zara na chain say soyen gay,
December pher say aaya hai,
pher say mil kay royen gay
December Poetry (December Shayri)
7: Chand bhe tanha
Chand bhe tanha, raat bhe
tanha, aur tanha meri zaat hai,
Pher toot kay wo yaad aaya
ajeeb December ki yeh raat hai
December Poetry (December Shayri)
8: Bohat barasta
Bohat barasta tha na yeh
December bhe
Lagta hai ab isey bhe pyaar
ho gaya…
December Poetry (December Shayri)
9: Woh kab bichhra
Woh kab bichhra nahe ab yaad
lekin
Bus itna yaad hai kay tha
December ….
December Poetry (December Shayri)
10: Karo na zid chale aao
Karo na zid chale aao,
Rakha hai kiya December main
Dilon main pyar ho to pher
Maheenay saaray achay hain
Kissi bhe pyaray mausam main
Chupkay say chale aao
Sajan ab maan bhe jao
December to December hai
December ka bharosa kiya
December beet he jayega
December Poetry (December Shayri)
11: December main
December main kaha than a
kay wapis laut aao gay
Abhe tak tum nahe lautay
December laut aaya hai ….
December Poetry (December Shayri)
12: Teri yaad or baraf bari
Teri yaad or baraf bari ka mousam sulagta raha dil kay andar akailay,
Socha tha g loun ga tojh say
bichar kar, Guzarta nahe aik December akaily,
December Poetry (December Shayri)
13: Teri yadoon ki rawani
Teri Yadoon ki rawani or yeh
December
Meri batain teri kahani or
yeh December
December Poetry (December Shayri)
14: yeh December
Mera hath teray sath, lambi
sarak or yeh December
Gum sum shamain, sunehri
ratain or yeh December
Bheegay din, Madham suraj,
halkay badal or yeh December
Behti nadiyaan, gaaty
panchi, urhti dhund or yeh December
Cofee, bistar, teri Mohabbat
or yeh December
Tanha main, tanha chand,
mera kamra or yeh December
Meri aankhain, meri neendh,
teray khwab or yeh December
December Poetry (December Shayri)
15: Pehli subha December ki
Teri Yaad, tanhai, khamoshi,
aur behtay aansu,
Pehli subha December ki kiya
kiya tohfay lai hain
December Poetry (December Shayri)
16: Kabhi jo toot ke barsa
Kabhi jo toot ke barsa
December,
Laga apna, bohat apna
December,
Guzar jata hai sara saal
youn to,
Nahi kat’ta magar tanha
December
Bhala barish say kiya
sairaab hoga
Tumhari Muhabbat ka piyasa
December
Woh kab bichra? Nahi ab yaad
lekin
Bus itna yaad hai kay tha
December
Jama poonji yehe hai umar
bhar ki
Meri tanhai aur mera
December
December Poetry (December Shayri)
17: Teri yaadain
Teri yaadain December ki
shabo’n jaisy
Jo aati hain to janaa bhool
jaati hain
December Poetry (December Shayri)
18: December maar dalega
Yeh Shaam yeh sard hawa or
yeh hijar ka aalam
Gumaan hota hai is baar
December maar dalega.
December Poetry (December Shayri)
19: Ab to barishoon
Ab to barishoon main bhe us
ko meri yaad nahe aati
Woh jo badal kay garajnay se
lipat jata tha mujhse
December Poetry (December Shayri)
20: Yaad dilaata hai
Yaad dilaata hai sard mausam
Kissi kay lehjay ka sard
hona
December Poetry (December Shayri)
21: Hamari to December ne
Hamari to December ne
Bohat umeedain tori hain
Baray sapne bakhere hain
Hamari raah takti muntazir
Purnaum nigahon main
Sawan ke jo deray hain
December kay he tohfay hain
December Poetry (December Shayri)
22: Garam martoob mausam
Garam Martoob mausam main
December dhoondtay rehnay
Tabiyat theek hai teri ya pher
say ishq taari hai
December Poetry (December Shayri)
23: Yaadon ki shaal oarh kay
Yaadon ki shaal oarh kay
awaara gardiyaan
Kaati hain youn bhe hum nay
December ki sardiyaan
December Poetry (December Shayri)
24: Raat uss nay poocha tha
Raat uss nay poocha tha
Tum ko kaisy lagti hai
Chandni December ki
Main ne kehna chaha tha
Saal-o-maah ke baarey main
Guftagu ke kiya maani?
Chahey koi manzir ho
Dasht ho, Samandar ho
June ho, December ho
Dharkanoo’n ka har naghma
Manzoroo’n pe bhaari hai
Saath jab tumharay ho
Dil ko aik sahara ho
Aisa lagta hai, jaisy
Aik nasha sa taari hai
Lakin uss ki qurbat main
Kuch nahe kaha main nay
Takti reh gaye mujh ko
December Poetry (December Shayri)
25: December ki tharthrati hue shamain
Suno!
December ki tharthrati hui
shamain
Kohar main lipti dhundaali
si subhain
Darakhtoon say girtay hue
Khushk zerd patay
Wo gaaon ki tamaam rastay
Mohabbatoon ki tamaam
rishtay
Khayaal abad kertay hain
Tumhein sub yaad kartay hain
December Poetry (December Shayri)
26: Thirhharti hue Shab-e-seyah
Thithharti hue shab-e-seyah,
aur wo bhe taweel-tar
Mohsin, yeh hijar kay maroon
per qayamat hai December
December Poetry (December Shayri)
27: Zara si dair
Zara si dair December ki
dhoop main bethan
Yeh furstain hamain shayed
na aglaye saal milain.
December Poetry (December Shayri)
28: Koi jazba adhoora
Koi jazba adhoora reh gaya hai
December aansu’on main beh gaya hai
Yeh dil khamoosh ho kar reh gaya hai
Najaane aaj who kiya keh gaya hai
Yeh aankhain hain hamari
kitni gehri
Samandar main samandar beh gaya hai
Tumharay sath wabasta tha
sab kuch
Siwaye yaad ke kiya reh gaya hai
Palat kar daikhne per hum
nay jana
Dil-e-naddan kiya kiya seh gaya hai,
Bohat bheer hai bazaroon main
lekin
Tera Shami akaila reh gaya hai
December Poetry (December Shayri)
29: muyassar
nahe hoon main
I soeht-e-dosti main koi
mujh se kiya milay
Khud apne aap ko bhe
muyassar nahe hoon main
December Poetry (December Shayri)
30: Kitni sardi hay pass
Kitni sardi hay pass kuch
bhe nahe
Aao aik dosray ko aourh lain
ham
December Poetry (December Shayri)
31: December agaya jaana
December agaya jaana,
Ke pher aik saal,
Teri yaad kay samandar main
Utar kar jane wala hai
Yeh dil pher ronay wala hai
Tumhain kuch yaad hai jaana
Isi pechle December main
Tumhe nay mujh ko likha tha
Kay naya jo saal aye ga
Us main mil kay rehna hai
Bohat se pyar ki yaadain
Bohat si ankahi batain
Humain tehreer karni hain
Mohabbat ki naye nazmain
Humain is baar likhni hain
Magar janaa
Wohe ratain
Wohe shamain
Wohe khushbu
Wohe nazmain
Mujhe har waqat kehti hain
December laout aya hai
Mager tera sathi nahe aya
December ageya janaa
December agaya janaa
December Poetry (December Shayri)
32: Teri khushbo ka taqub
Teri khushbo ka taqub karo
mousam mousam
Tu meray hath main aye tu
hawa ho jaon
December Poetry (December Shayri)
33: Kiya har baat per
Kiya har baat per koste hain
log December ko???
Kiya December ne kaha tha
Mohabbat karo !!!!
December Poetry (December Shayri)
34: Manoos Ajnabi
Manoos Ajnabi
Ab kay December main
Main nay bhe kuch khwab
sajaye hain
Apni sard aankho’n main
Per darr lagta hai
Kahi yeh meray khwab
Pighal na jain
Dhoop pernay per !!!!
December Poetry (December Shayri)
35: December ki thatharti
December ki thatharti aik
shab who meray paas aye
Mujhe kehnay lagi keh!
Aaj sab kuch chor aye hoon
Tumharay pyar main saary he
rishtay tor aye hoon
Mujhay kehnay lagi keh
Utho !!!!!!!!!
Yahan se door chaltay hain
Bohat he door chaltay hain
Tumharay bin kissi soorat
mujhe zinda nahe rehna
Mujhe zinda nahe rehna,
mujhe zinda nahe rehna
Woh zaar-o-zaar ro di, aur
pher mujh main simat aaye
Woh apnay aanso’on se bas
yehe faryaad karti the
Chalo jaldi karo
Iss sehar se ham bhaag
chaltay hain
Bohat he door chaltay hain
Uss aik saaans main main nay
baar ha socha
Keh uskay hukam par
Uskay kahay per sar jhukar
doon
Yeh socha baar ha,
Usko bhaga kar door lay
jaaon
Woh aik tooit hui larki
Woh meray piyaar mian mehki
hue
Masoom si larki
Meray seenay say lag kar
dair tak roti rahe
Uss Shab
Wohi iss ehsaas main gum the
Keh manzil mil gaye usko
Meray khamoosh chehray ki
taraf woh daikhti bas daikhti jaati
Uss aik ssa’at meray andar
kayee tofaan barpa thay
Najanay kiss tarha main nay
Kaha us say
Kay bas ab laut jao
Laut jana pher nahe aana
“khudara pher nahe ana”
meri yeh baat sun kar
uss nay aik be yaqeeni say
mujhay daikha
woh larki shidat-e-gham se
tarap uthe
sulag uthe
sakoot-e-marg kay aalam main
woh dawazay ki janab aikdam
lapki
woh larki pher nahe aaye
woh aik bikhari hue larki
kabhe waapis nahe aye
bohat din baad kal daikha
ussay aik ajnabi kay sath
gari main
aur uski goud mian payara sa
aik bacha tha
woh larki kis qadar khush
the
bohat chaha tha kay main uss
ko bhaga kar door lay jaoon
bohat chaha December ki
thatharti raat laut aaye…
December Going !
December Poetry (December Shayri)
36: Khizaan kay zard patoon
Khizaan kay zard patoon ka
wo manzar yaad karta hai
Usay kehna usya December
bohat yaad karta hai
December Poetry (December Shayri)
37: December ab kay jaao
December ab kay jaao to
mujhe bhe saath lay jana
Mujhe bhe shaam hona hai,
mujhe gumnaam hona hai
December Poetry (December Shayri)
38: Thandi hawayen chal pari
Thandi hawayen chal pari
hamaray veeranay main
Andaza bar zaalim hai December
teray jaane ka
December Poetry (December Shayri)
39: Aik baar to milnay chalay aao
Aik baar to milnay chalay
aao December janay wala hai
Kaisa guzra hai yeh sal
batao December janay wala hai
Khush ho jao kay milnay ka
saal aa raha hai pher
Wasi youn na ansu bahao
December janay wala hai
Shayed ab kay baras bhe wo
lout kar na aye
Tanha youn abhe chor kay na
jao December janay wala hai
Yeh kiya k raat din uski
yaad main doobay rehna
Na gham ki bearish main
nahao December janay wala hai
Ay meray dukhoon kay
sathiyon khush ho jao
Apnay apnay gharoon ko sajao
December janay wala hai
Kiya pata pher December aye
na aye Jan-e-wasi
Meri mano ab tum lout ao
December janay wala hai
December Poetry (December Shayri)
40: Guzarta hua saal
Guzarta hua saal jaisy bhe
guzraa
Magar saal kay akhri din
nihayaat kathin hain
Suno!!!
Naye saal ki muskuraati hue
subha
Yeh bujhta hua dil dharakata
to hai
Muskuraata nahe
December mujhe raas ata nahe
December Poetry (December Shayri)
41: Yeh saal bhe udaas raha
Yeh saal bhe udaas raha
rooth ker gaya
Tujhe dekhe beghair jaana
December Guzar gaya
December Poetry (December Shayri)
42: Mujhe ab farq nahe parta
Mujhe ab farq nahe parta,
December kay beet janay ka
Udaasi meri fitrat hai, isey
mausam se kiya matlab
December Poetry (December Shayri)
43: Tees din
Tees din issi dewar per
latkay ga yeh Aks
Khatam aik din main December
nahe honay wala
December Poetry (December Shayri)
44: Aye December
Aye December kuch to hosh
kar, yeh tujhe kiya hua
Bin barsay guzar jana teri
adapt pehlay to na the ……
(Note: This blog is written in Roman Urdu & you can add your
December Shayari here to publish on this page.)